Ani chuan kan thiltih ang te ni lovin, Ama duhdan leh remruat ang zelin; A fapa ah chuan min lo chhandam si, Aw khawngaihna a va thuk em!
[Thunawn] Mihring thiltihte hi chhinchhiah la Lalpa, Tunge chhandam ni thei ang le ? Aw Lalpa.
Hnathawk lova,Pathian pawh ngaihsak lo, Thiam chantirtu ring zawk a rinna chu; Ama felnaa ruat a ni si a, A va mak em! Lalpa hmangaihna chu.
[Thunawn] Mihring thiltihte hi chhinchhiah la Lalpa, Tunge chhandam ni thei ang le ? Aw Lalpa.
Keima lam ka han in en hian Lalpa, Engmah reng hi hmuh tur a awm silo; Mahse Krista lam chauh ka thlir leh chuan, Mifel famkim ah min lo pawm leh si.
[Thunawn] Mihring thiltihte hi chhinchhiah la Lalpa, Tunge chhandam ni thei ang le ? Aw Lalpa.
Mihring mit hmuhah tling lo mah ila, Isua Krista ka rinna a vanga; Lalpa’n fel a min lo pawm ve chuanin, Ka tan chu chu a tawk reng tawh ani.
[Thunawn] Mihring thiltihte hi chhinchhiah la Lalpa, Tunge chhandam ni thei ang le ? Aw Lalpa.
Krista aia thlan tur dang enge awm? Krista aiawh zo reng reng an awm lo; Ama’n min thlan tawh zawkna avangin, Amah chauh chu ka ring lo thei silo.
[Thunawn] Mihring thiltihte hi chhinchhiah la Lalpa, Tunge chhandam ni thei ang le ? Aw Lalpa.
Comments
0 comments